Ábyrgðir á eldri lánum
LÍN vill árétta í kjölfar umræðu um sjálfskuldarábyrgðir á lánum, að eldri ábyrgðir á námslánum eru enn í fullu gildi.
- Sjálfskuldarábyrgðir sem skrifað var undir fyrir gildistöku laganna um ábyrgðarmenn nr. 32/2009, verða ekki ógildar þótt ábyrgðarmanni hafi ekki verið sýnt greiðslumat. Ákvæði laganna sem setja skyldu á lánveitandann um slíkt eru ekki afturvirk.
- LÍN var ekki aðili að samkomulagi um notkun ábyrgða á skuldum einstaklinga frá 2001.
- Þegar almenna krafan um ábyrgðir á námslánum var afnumin, var sérstaklega tekið fram við þá lagasetningu að hún nái ekki til lánsloforða sem veitt voru fyrir gildistöku laganna, sbr. bráðabirgðaákvæði laga nr. 78/2009.
Sjóðurinn hvetur greiðendur námslána eindregið til að standa í skilum, þannig losna ábyrgðarmenn við öll óþægindi!
