Main Content

Frá umsókn til útborgunar

 

 

Skýringarmynd - frá umsókn til útborgunar

teikn - staðfesting á skólavist

Staðfesting á skólavist:

Staðfestinguna verða þeir námsmenn á Íslandi að senda sem borga há skólagjöld og einnig námsmenn erlendis sem eru að hefja nýtt nám. Umsóknin tekur ekki formlega gildi fyrr en slík staðfesting hefur borist sjóðnum.
teikn - reiknivél

Útreikningur á láni:

LÍN birtir á Mitt svæði námsmanna Lánsáætlun og staðfestir þannig gildar umsóknir. Fyrirframgreiðsla skólagjalda hefst til þeirra sem eiga rétt á því.
teikn - skuldabréf

Skuldabréf:

Þeir sem eru að sækja um námslán í fyrsta sinn eða hafa gert árshlé á námi sínu fá sent skuldabréf til undirritunar.
teikn - enska

Enskumælandi lönd:

Senda þarf LÍN upplýsingar um skólagjöld og styrk/styrkleysi fyrir hverja önn eða allt námsárið. LÍN sendir námsmönnum eyðublöð sem skólinn þarf að fylla út.
teikn - endanleg tekjuáætlun

Endanleg tekjuáætlun:

Staðfesta verður tekjuáætlun áður en útborgun haustlána fer fram.
teikn - námsárangur

Námsárangur:

Námslán eru afgreidd þegar námsárangur hefur borist. Skólar á Íslandi senda námsárangur beint til LÍN þegar prófum er lokið eftir hverja önn, en námsmenn erlendis verða að sjá um það sjálfir. Þeir sem ekki taka próf á miðjum vetri verða að senda staðfestingu á námsástundun.
teikn - útborgun

Útborgun láns:

Lágmarksnámsárangur er 22 ECTS einingar eða ígildi þeirra. Greiðslan er lögð inn á bankareikning námsmanns.
teikn - skattframtal

Skattframtal:

Allir lánþegar verða að staðfesta endanlegar tekjur með skattframtali. Námsmenn á Norðurlöndunum verða til viðbótar íslensku skattframtali að senda afrit af álagningarseðlum eða skattframtali í námslandinu. Berist skattframtal ekki verður umsóknin felld úr gildi. Einstaklingar í námi á Íslandi sem eru í leiguhúsnæði verða að skila leigumiða (RSK 2.02) til RSK með skattframtali.

Námsmenn

Jöfnunarstyrkur

Greiðendur

Ábyrgðarmenn

Um LÍN