Áhrif tekna á námslán
Almennt
Allar tekjur námsmanns (og maka ef sótt er um makalán) árið 2012 hafa áhrif á námslán skólaárið 2012-2013.
- Námsmaður má hafa allt að 750 þús. kr. í tekjur án þess að skerða lánið.
- Ef tekjur eru hærri skerðist lánið sem nemur 35% af umframtekjum og er skerðingunni dreift hlutfallslega á umsóttar einingar.
- Umframtekjum er dreift miðað við 60 ECTS-einingar, þ.e. reiknað er með ákveðinni skerðingu pr. einingu. Ef námsmaður lýkur færri en 60 einingum þá þá falla þær umframtekjur niður sem annars hefðu komið á þær einingar sem vantar upp á.
Dæmi
Sótt um 60 ECTS | Sótt um 50 ECTS | |
| Tekjur | 1.000.000 | 1.000.000 |
| Frítekjumark | 750.000 | 750.000 |
| Mismunur | 250.000 | 250.000 |
| Skerðing láns (35%) | 87.500 | 72.917 |
Umsækjendur sem eru að koma af vinnumarkaði eða námshléi þ.e. voru ekki í skóla í fyrra, mega hafa 3.750 þús. kr. í tekjur án þess að lánið skerðist.
Sama regla gildir um umframtekjur, þ.e. 35% af umframtekjum skerða lánin.
Hvað telst til tekna
- Allar tekjur á árinu 2012 sem mynda skattstofn teljast vera tekjur við útreikning námslána.
- Innifalið í þessu eru m.a. launatekjur, skattskyldir náms- og rannsóknarstyrkir, kennslulaun, greiðslur í fæðingarorlofi, tryggingabætur, atvinnuleysisbætur og lífeyrisgreiðslur.
- Til frádráttar tekjum koma skólagjöld sem námsmaður fær ekki lánað fyrir.
Þeir umsækjendur sem fengið hafa greiddan út viðbótarlífeyrissparnað á árinu 2012 geta sótt um að þær tekjur komi ekki til frádráttar láni.
