Námsframvinda
Almennt
Miðað er við að fullt nám sé 60 ECTS-einingar á námsári eða sambærilegt .
ECTS-einingakerfið er notað víðast í Evrópu. Þar sem ECTS-einingakerfi er ekki við lýði umreiknar LÍN viðkomandi einingarkerfi yfir í ECTS-einingar.
Til að fá greitt út námslán þarf að ljúka að minnsta kosti 18 ECTS einingum á önn eða samsvarandi. Einingarkröfur í quarter-skólum eru 12 einingar á önn að lágmarki.
Ekki er veitt lán umfram 60 ECTS-einingar á námsári nema námsmaður sé skráður á sumarönn.
Lán vegna sumarannar
Sækja þarf sérstaklega um lán vegna sumarannar. Námsmenn þurfa að ljúka að lágmarki 12 einingum en mest er lánað fyrir 20 ECTS-einingum á sumarönn.
Til að eiga rétt á viðbótarskólagjöldum fyrir sumarönn þarf að ljúka að lágmarki 60 ECTS-einingum fyrir haust- vor- og sumarönn.
