Skólagjaldalán

Almennt

• Hægt er að sækja um skólagjaldalán til  grunnnáms í háskóla, framhaldsháskólanáms og sérnáms ef skólagjöld eru hærri en 60.000 kr. á námsári.
• Veitt er lán í eina önn að loknum 18 ECTS-einingum, í tvær annir að loknum 36 ECTS-einingum og á sumarönn að loknum 60 ECTS-einingum.
• Ath. þó að alltaf verður að ljúka lágmarksárangri á önn til að eiga rétt á skólagjaldaláni, þ.e. 18 ECTS-einingum á haust- og vorönn og 12 ECTS-ein. á sumarönn.

Fyrirframgreidd skólagjaldalán

• Námsmenn sem hafa lokið a.m.k. einni önn í lánshæfu námi geta sótt um að fá skólagjaldalánin greidd fyrirfram fyrir hverja önn.
• Námsmenn sem fá lánað fyrir skólagjöldum í heilt skólaár (haust- og vorönn) verða að ljúka að lágmarki 36 ECTS-einingum eða sambærilegu.
• Ljúki námsmaður 18-35 einingum verður hann að endurgreiða skólagjaldalán fyrir aðra önnina.
• Ljúki hann færri en 18 einingum á hann ekki rétt á skólagjaldaláni.

Hámark skólagjaldalána hjá námsmanni

Hámark skólagjaldalána skv. úthlutunarreglum námsárið 2012-2013:

• 3.500.000 kr. vegna náms á Íslandi.
• 44.100 USD vegna náms í Bandaríkjunum.
• 27.400 GBP vegna náms í Bretlandi.
• 40.000 EUR vegna náms á evrusvæðinu.
• Fleiri lönd (sjá fylgiskjal II).

Athugið að þetta er heildarhámark fyrir hvern námsmann fyrir öll hans námsár. Ekki er hægt að sækja um lán vegna skólagjalda umfram ofangreindar hámarksupphæðir.

Námsmenn í framhaldsháskólanámi sem greiða há skólagjöld geta fengið hámarksupphæðina á einu námsári eða dreift láninu á fleiri námsár.

Námsmenn í fyrrihlutaháskólanámi eða sérnámi geta geta mest fengið 1/3 af framangreindu hámarksláni á hverju skólaári.

Athugið; eftirfarandi regla gæti skipt máli fyrir þá sem stundað hafa nám í fleiri en einum námsferli: Hámark samanlagðra skólagjaldalána miðast við tilgreint hámark í síðasta námslandi.

Í lok hvers námsferils er reiknað út hversu hátt hlutfall námsmaður hefur nýtt sér af skólagjaldahámarki viðkomandi lands. Þetta hlutfall er svo notað áfram í næsta ferli þegar svigrúm til frekari námslána er fundið.

Áhrif tekna

Tekjur á árinu geta haft áhrif til lækkunar á námslán, þar með talið skólagjaldalán og önnur lán.Tekjur umfram frítekjumark dragast fyrst frá framfærsluláni. Ef tekjur eru það háar að þær eyði út framfærsluláni byrja skólagjaldalánin að skerðast. Sjá upplýsningar undir Áhrif tekna á námslán.