Gátlisti yfir gögn til LÍN

Almennt – gildir fyrir alla umsækjendur

Sækja þarf sérstaklega um námslán fyrir hvert aðstoðarár. Hægt er að sækja um haust- og vorönn á sömu umsókn.
Óski námsmenn eftir láni á sumarönn þarf að sækja um það sérstaklega.
Einstæðir foreldrar sem eru að sækja um lán í fyrsta skipti þurfa að senda staðfestingu á forræði barns. LÍN sendir út beiðni.
Námsmenn sem eru að byrja í námi eða hefja aftur nám eftir hlé þurfa að samþykkja skuldabréf. LÍN sendir út skuldabréf.
Allir umsækjendur þurfa að staðfesta endanlegar tekjur á árinu. LÍN sendir út beiðni í tölvupósti í nóvember.
Allir umsækjendur þurfa að sjá til þess að skattframtalsupplýsingar berist LÍN. Ef skattframtali er skilað rafrænt til RSK fær LÍN upplýsingarnar þaðan. Ef skattframtali er skilað á pappír þarf að senda afrit til sjóðsins. LÍN sendir út beiðni í tölvupósti í mars.

Námsmenn í MBA námi í HÍ og HR, MPM námi í HR og mastersnámi á Bifröst þurfa að skila innritunarvottorði.
Iðnnámsnemar sem eru að sækja um í fyrsta skipti þurfa að skila staðfestingu frá skóla um stöðu í námi.

Allir umsækjendur í nýju námi erlendis þurfa að skila innritunarvottorði frá skólanum.
Ef sótt er um lán vegna skólagjalda þarf að senda staðfestingu á upphæð þeirra.
Námsmenn þurfa sjálfur að senda LÍN námsárangur eftir hverja önn.

Norðurlönd: Allir umsækjendur á Norðurlöndunum þurfa að senda skattframtalsupplýsingar frá námslandinu áður en vorlán er greitt út. LÍN sendir út beiðni.
Bandaríkin, Kanada og Ástralía: Námsmenn í Bandaríkjunum, Kanada og Ástralíu fá eyðublöð send frá LÍN sem skólinn þarf að fylla út. Námsmenn á fyrstu önn í nýju námi fá eyðublöð sem nefnast „Course of study“ og „Educational cost and Financial aid“. Þeir sem eru lengra komnir í námi þurfa aðeins að láta fylla út seinna eyðublaðið.
Bretland og Írland: Senda þarf upplýsingar frá skóla um skólagjöld á námsárinu.