Útborgun námsláns
Útborgun námslána
Námslán er greitt þegar staðfesting um lánshæfan námsárangur liggur fyrir. Útborgun framfærsluláns fyrir haustmisseri hefst þannig í janúar og útgreiðsla fyrir vormisseri í lok apríl.
Þó er heimilt að greiða út skólagjaldalán við upphaf annar til lánþega sem lokið hafa að minnsta kosti einni önn í lánshæfu námi.
Forsendur útborgunar
Til að hægt sé að afgreiða lán þurfa umsækjendur einnig að standa skila á öllum umbeðnum gögnum sem sjóðurinn kann að hafa sent þeim.
Þess má geta að ekki þurfa allir að senda viðbótargögn með umsókninni, það fer allt eftir aðstæðum og stöðu í námi. Umsækjendur geta fylgst með stöðu sinna mála á Mínu svæði. Þar kemur fram hvort gögn vantar frá námsmanni sem stöðva afgreiðslu lánsins.
Mikilvægt er að lesa tilkynningar frá sjóðnum vandlega og skila inn öllum umbeðnum gögnum ekki síðar en tveimur mánuðum eftir að bréfið berst. Ef gögnum er ekki skilað fyrir þann tíma er heimilt að fella umsókn um námslán úr gildi.
Á Mínu svæði geta námsmenn einnig nálgast lánsáætlun, yfirlit yfir útborganir lána og ýmis yfirlit og umsóknareyðublöð.
Athugið að sækja um námslán áður en umsóknarfrestur rennur út. Til að fá námslán fyrir haustmisseri þarf að sækja um fyrir 1. desember. Umsóknarfrestur um lán á vorönn er til 1. maí og 1. júlí fyrir sumarönn.
Athugið einnig að ef námsmenn hafa fengið námslán áður, þurfa þeir að vera í skilum við sjóðinn.
